Otello Artoni

 

CAPANON

Artoni, detto il “magico Otello”, poeta dilettante, scomparso nel 2014, ex fabbro e facchino, ha scritto poesie semplici e “ruspanti” che cantano l’amicizia, la solidarietà, l’amore per la nostra città e la nostalgia dei suoi tempi e dei suoi “posti”. Il “Cristo” in particolare

 I Capanón

Nojätor, i capanón a s’insonjèmma

anca al giorón d’incó.

Con ‘na stansa a piantarén

mo a s’vrävon tutt bén…

Adésa fra cazànt andèmma d’acordi

cme can e gat.

Il bräghi psädi e i sandol ‘d copartón

j andävon bén par tutti il stagión.

La nostra banca l’éra al Mónt ‘d Pietè

e con di gat i s’àn zlatè.

Colonica e bón dal lat

j àn fat ‘n ätor tant.

Adésa ch’a spusèmma ‘d sjor

e magnèmma al ristorant

a sèmma invidióz ‘d tutt quant.

In tésta a gh’ävon un quälch pjóc

mo anca adésa fra pensér e bolètti da pagär

a gh’é listés la tésta da gratär.

Con il discotéchi e la televizjón

a j èmma imbambì i nostor fjó.

E parlär di capanón

a m’ véna un po ‘d magón

e fa bén che d’ogni tant

a s’ricordèmma

äd che pasta séron fat.

(il magico Otello)