Varie

 

Fausto Bertozzi, in quanto a battute, è figlio d’arte, sua madre, donna intelligente ed arguta, diceva: «I me fjó j àn studiè mo i nén miga stuppid». E anche: «Spoziv adésa intant ch’a si cojón, che s’a fi tant a scantèrov a ne v’spozì pu!»Quando lui lamentava un mal di testa:  «L’é l’istés, l’important l’é ch’a t’staga bén ti».

  • In azienda dove entrambi lavoravamo c’era un dirigente in gamba ma molto molto loquace. Un giorno lo chiamò al telefono esordendo con un velocissimo: «Pronto chi parla?» E Bertozzi «Sa gh’é manéra un po’ p’r ón». Parlando di lui diceva: «S’al s’iscriviss a l’AIDO (donatori di organi) con la so léngua i dan la parola a quator mutt».
  • Al CRAL, io avevo salutato una bella ragazza, che rientrava dalle ferie, dicendole: «Bén tornata» Bertozzi mi corresse: «Bén tornita, gh’ät miga j oc?»
  • A Quattrocastella, dove abita in estate, un contadino che gli stava dicendo di aver messo in vendita la casa e il podere, per valorizzarlo li, gli disse: «Quando c’è sereno si vede Reggio». E lui: «Alóra gh’é ‘l scónt? »
  • Un artigiano che gli aveva presentato un conto salato per uno sportello, si giustifico spiegando: «Tenga conto che è fatto su misura e tutto in legno compensato”. – «J ò visst, più “compensato” di così!”
  • Anche il fratello Luciano ha una bella inventiva. Dice ad esempio: «A Roma c’è il Gabinetto, la Camera e i Servizi mo bizoggna ch’a ch’sia anca la cuzén’na con coll chi magnon !”

 

BRUNO DODI

  • Ad una cena aziendale si avvicinò al suo tavolo un collega che, indicando una bottiglia chiese: «Él férom coll vén lì?» «Si, l’é férom parchè dedchì al ne s’móva miga!»
  • Un collega lo punzecchiava: «Ti a t’vól miga andär in trasferta parchè a t’gh’è paura chi t’fagon i coron». – « Sicùr ch’a t’gh’è méno paura ti, a t’ gh’è ’na mojéra tanta brutta che, s’a t’la piant in-t-l’ort agh rampa su gnan i fazó.»
  • Ad un altro che si vantava, ‘sbragando’, di avere un’auto che, seppure fosse vecchia, era eccezionale, Bruno disse: «L’é béla ch’la machina li.

Sól che si seron la fabrica dal zingol a t’cat pu nisón ch’a la giusta!”

  • Adesa i ragas i dmandon: «Ma, co gh’è da sén’na? Mo nuätor a dmandevon: ma, stasira gh’éla la sén’na? Sät co digh sémpor mi? Che coj chi dizon che “l’appetito vien mangiando” i dovrisson provär che aptit a vén a magnär miga!”
  • Mio cugino Giorgio, ormai su d’età, mi stava spiegando una cosa, non gli veniva una parola e la moglie, prontamente, gliela suggerì. Successe ancora e dopo il terzo “suggerimento”, si fermò e mi disse: «Vèddot Giuseppe, ormäi sèmma tant vec’ e imbambì ch’a gh’ vól in du a fär un ragionamént». Poi aggiungeva: «Dvintär vec’ è miga un bél lavór mo l’é l’unica manéra par scampär».
  • Ugo ex calzolaio di 90 anni, ricoverato all’infermeria del Romanini, pensava di essere in albergo. Ero con lui quando un infermiere, dopo cena, gli portò un bicchiere di caffè. Ugo storse la bocca. Gli dissi: «Ugo costa l’é ‘na bón’na locanda. La gh’à ‘l difét chi dàn poch vén». E lui: «Al n’è miga un difét tant picén!»
  • Nell’osteria di Gino Picelli, un muratore, volendo gigioneggiare, gli disse: «Gino gh’ät miga i bicér col manogh?» – «Al manogh a gh’ l’à ‘l badil, a t’ l’é drovè tutt al dì, n’ät miga ‘vu bas
  • Ad un gruppo di giovani che si prendeva gioco, in modo pesante, di un anziano con battute tipo. «L’é brutta la vciära an nonón!?” Egli disse loro: «A gh’ì proprja ragión. la v’ciära l’é brutta bombén. A v’avgur ‘d rivärogh miga!”

 

 DARIO PATERLINI

  • Il papà, che faceva il muratore, amava il vino: «Gran bél bicér me pädor. Va là ch’ al n’ à bvu e tutt ròss parchè al dzäva che bizòggna ésor bón äd guardäros la salute, e ‘l bianch al fà pu mäl». Poi continua: «L’ à bvu tant scudlén me pädor, povrètt, che quand i l’ àn tirè su, dopo déz an, al gh’äva la pónta, e i so os j éron vióla».
  • Parlando di quando era ragazzo, dice: «A s’ éra bél mi, da ragas … a paräva un cummor. A gh’ äva sémpor la candéla al näz. A m’sugäva cój did e in-t-il bräghi gh’ äva tanta coraméla che, a l’ostaria, igh’ pjävon i solfanél»
  • Di ritorno dalla visita al proprio medico che aveva visionato i suoi esami, la moglie gli chiede: «Co’ t’ àni catè int al sangov?»«Dal vén». – «Miga fär al cojón, dimm co’ i t’ àn catè». – «Al sangov gros». – «Él gros bombén?» «Al pär bodén!» «Co t’al ordinè?» «Dil suposti. Al me dotór», spiegava Dario, «al va via tutt a suposti, ormäi gh ò un sedere ch’ a gh’ pasa ‘na micca äd pan».
  • Negli ultimi anni di lavoro era dipendente di una ditta che trattava ma­teriale elettrico. Incontratolo un giorno, gli chiesi: «Dario, i m’ àn ditt ch’a t’ sì in-t- l’elettrotecnica, è véra?» «Elettrotecnica? elettronica! In ca mèjja l’é tutt automatich. A t’schiss un botón… e a t’ciap su dal stupidd».
  • Da ragazzino era garzone in un’officina dove si lavorava fintanto che c’era luce. Una sera d’agosto, verso le otto, stava sgattaiolando fuori quando il titolare lo bloccò con un perentorio: «Veh lòmo, a n’é miga la vgillja äd Nadäl!»
  • Dario così descrive la casa dell’amico Richén che abitava a Valera. «Richén al stäva in-t-’na béla ca! l’éra tanta basa che quand gnäva vint borr ’d néva i gnävon fóra dal granär. L’éra tanta ummda che in primavera i cazant i dävon fóra i butt cme i pommdatera e ’l sartór, povrètt, ch’al gh’äva i reumatizom al ghe tóläva ilj amzuri dala fnéstra. L’éra ’na ca nobla: a Richén, quand l’éra picén, igh’ metèvon do pónghi par scalderogh i pe!»

 

Don Dagnino

•Don Dagnino, il battagliero prete dell’Oltretorrente, venne  a sapere che un barbiere del suo rione andava dicendo: «Se don Dagnino al vén da mi a färos la bärba,  a gh’ taj al col”. Lui ci andò a bella posta e dopo che fu insaponato disse: «Hai detto che mi avresti tagliato il collo. Forza taglia!» Il barbiere, esterefatto, rimase bloccato. Don Dagnino allora gli disse: «Sät co tsi? un bagolón!»

•Un giorno passava in bici davanti ad un bar quando un avventore gli urlò: «ch’a gniss un cancor a tutt i prét!» Egli si bloccò e gli chiese: «Sit comunista?» – «Si» – «Alóra metè p’r ón».

Stopaj

STOPAJ

Ettore Bonazzi “Stopàj”, nato a Parma nel 1907, aveva cominciato a lavorare a 16 anni nel timbrificio Catellani. Restò lì fino al dopoguerra. Fu allora che cominciò a dedicasi all’alcol. Morì a 57 anni. il 18 novembre 1965, nel sanatorio di Gaiato, a due passi a Pavullo nel Frignano, nel Modenese.

Scrive Achille Mezzadri nel suo Pramzanblog

E’ singolare che a Parma qualcuno ricordi ancora, a 43 anni dalla scomparsa, un alcolista, un uomo che buttò via la sua vita con l’alcol. Eppure Ettore Bonazzi, “in arte” Stopàj, turacciolo, entrò nella storia del costume parmigiano e non ci è mai uscito. Forse non ci uscirà mai. Io me lo ricordo bene, perché bazzicava spesso dalle mie parti, in borgo XX marzo. Mi è rimasta impressa, per esempio, una volta in cui (ero bambino) lo vidi all’angolo tra borgo XX marzo e vicolo della Macina, incollato al muro. “Pronto… pronto…”, diceva strascicando le parole. Telefonava. A chi? Chissà. A Bacco, forse e a tutti gli dei della sbornia solenne. Era sempre “in basa”, Stopaj. Piccoletto, innocuo, sempre pronto alla facezia, camminava dondolante, rasente i muri. Raccontava barzellette a tutti, o meglio, il suo modo di fare, il suo modo di dire le cose, diventava quasi sempre una barzelletta. “La sai l’ultima di Stopaj?”. A volte magari non erano nemmeno cose dette da Stopàj, ma nell’immaginazione popolare, le barzellette che uscivano dalle osterie erano sempre opera di… Stopàj.

 Antonio Abbati ricorda Stopaj

Il pezzo che segue è dedicato a Stopaj da Antonio Abbati morto nel 2017 all’età di 83 anni. Abbati Ha scritto numerosi racconti nei quali traspare tutto l’amore per la sua città, i suoi borghi (borogh tort in primis), la sua gente e i personaggi parmigiani che descriveva con realismo ma anche grande sensibilità. Come risulta evidente in questo testo dedicato a Stopaj che per lui non era solo quello che faceva ridere ma era un uomo di cui immaginava i drammi.

Tutt in-t- ‘na volta ‘n to pu visst! In pónta ‘d pe t’ si andè zo dal tréno ‘dla vitta, cuand fin trop prést è rivè la to fermäda. T’ si andè zo sénsa ‘n salut: in silénsi, ala chetichéla. Cucc’ Cucc’ cme un putén catè con al did pociè in-t- la scatla ‘dla sälsa. Forsi t’ sér ancòrra drè riddor ‘d l’ ultma to barzlètta. S’ ‘n’ éra acort nisón.
Äva miga capì ‘l to dram, cuand p’r i bórgh séntiva la to vóza brindär con al bicér pién d’acua. L’amór al n’ éra miga to amigh. A t‘ sér datì cme un can. Però t’ ér un bón ragas. Intant a t’ moriv adäzi.

 

LE BARZELLETTE

A Stopaj sono attribuite molte barzellette. Alcune veramente belle e di una ironia non banale come questa che segue:

L’elemosina Ci sono persone che per il fatto di fare un’elemosina si sentono in diritto di giudicare e insegnare. Tempo fa, un’elegante signora, avendo dato cento lire in elemosina a “Stopaj”, il noto personaggio, si sentì autorizzata a dirgli:

“E li spenda bene!” Stopaj rispose: “Oj da tór un apartament? “

 La cena

  • Stopaj va in casa e chiede alla madre:

Ma, co gh’é da én’na?» – «Njént!”.- «Proprja njént?» – «Njént, proprja njént!» – «Alóra mèttot un fasolètt in tésta almeno a t’farè la “vécia».

 

  • Il raccolto

Stava minacciando di piovere e Stopaj, rivolgendosi al cielo, ripeteva: «Sgnór, sta migh fär pióvor ch’a t’me ruvénni al racolt». Qualcuno gli chiese di che raccolto parlasse: «A s’bagna il cicchi!»

La vendetta

A Stopaj, orami sempre brillo,  la gente non dava più soldi per comprarsi un bicchiere. Un giorno, offeso, dal perentorio rifiuto di un droghiere, si mise a rovistare nel contenitore dei pesciolini marinati, i pèss putana. Il droghiere gli chiese: «Co fät Stopaj?» E lui: «A són adrè sarcär to mädra

La cotlètta

Stopaj raccontò una barzelletta ad alcuni giovani che però non risero. Ci restò molto male e disse: «Coza a v’spetevov, ‘na cotlètta?»

Il cappello

A Stopàj, ubriaco fradicio, cade il cappello. 
“Ven su!”,
dice al cappello, che però resta per terra.
“Ven su”,
gli ripete, ma il cappello resta dov’è. Allora gli lancia le chiavi di casa e gli dice:
“To ‘l ciävi. Quand tsi stuff äd stär lì a t’gnirè in ca’ da ti”.

Memoria Parma è una sezione dedicata a tutti gli over 65 che abbiano voglia di raccontare sul nostro sito la loro Parma di una volta o altre storie. Oggi Antonio Abbati ci parla  – in dialetto – di Stopaj, figura “storica” della Parma di una volta:

Stopaj: ‘na miniéra ‘d barzlètti, ma anca cuél d’ ätor

Gh’éra ‘na volta , ‘n òmm picén, putòst rotònd, ch’ l’ andäva sémpor  dalù tra  ‘n  bòrogh  e ch’l ätor, pjanén, pjanén, férmandos a ogni pisäda ‘d càn, a cantär, a parlär par tirärla a la lónga e scuasär la bàza, che spèss l’ éra la so cómpania e la so cróza.
L’èra cognsù da tutt Pärma e tra lu e tùtt  gh’éra un avanti e indrè äd batudi, ‘d rìmi e barzlètti ch’i zvolazävon cme i pagn stéz, cuand tira ‘l vént. I mur di bórogh dal pärti ‘d San Michél, äd Bórgh Bondióla e Bórgh Ozlas, s’avrisòn podù parlär e dir a la génta cuànt barzlètti, cuànt discòrs, rìmi e cansonètti cantädi dal nostor a gh’è tochè ‘d séntir par fortón’na o par scalóggna, j én stè testimòni e spétatór äd coll ca sucédäva in chi temp la. Parlarissòn par giornädi intréghi ‘d cla vòza impastäda col vén ròss butè zo a garganéla: cuartén, dopa cuartén, cla s’éra incoläda contr’ i mur cme i manifést. L’éra dvintäda pärta di bórogh medesim; tant cme il vòzi ‘dla génta e i arciàm dil mami p’r i so picén chi zugävon in sträda.

Cla voza impastäda ‘d fojètti, insèm’ äl ghign buff e pjén äd tristèssa la gh’äva un nòmm e un stranòmm cme uzäva a chi temp la: l’ éra Ettore Bonazzi o Tòrén par i amigh e in ärta: –Stopaj.- Al stäva ‘d ca in Bórgh Tort, infónda ‘l cantòn con Bórgh Valòri, in-t-la ca ‘d Piolètt e la l’andäva a dormir dopa avér scuasè la baza. Propria in-t-i momént ch’l’ éra in-t-la sòvva saltäva fóra ‘l pastiss e ‘s catäva dalù cme un càn sénsa padròn. L’éra ‘na storia trista, cla fäva i puggn col barzlètti e ‘l rìmi.

La génta la ‘n capiva miga la tragédja capitäda adòs a ch’l’ òmm picén, ch’l’ andäva pjan pjan p’r i bòrogh a cantär ‘n pär d’ canzonètti: -sémpór colli, cme ‘n disch frùst-: “Signorinèlla pallida” da ‘na fàcia dal disch e “la mia monella non è” da ch’l’ ältra.

Tutt i ridävon a séntir i so discórs e vlontéra ‘l parläva ‘d politica, dand adòs aj sòcialista chi parlävon sémpòr a vód, sénsa mäi combinär njénta. I gh’mancävon mäi i consìlli a Togliatti; cuäzi s’ al fus lì in parson’na. Al nostor Stopaj ‘l n’éra miga sémpor dalù a scuasär la bàza par sträda. Parècc’ bévdór: bàza dopa bàza i tirävon avanti ‘na vitta dizgrazjäda aspétand d’andär al pjopi e fnìr l’ézisténsa sénsa pu al vizi dal scudlén o dal bicér col mànogh. Vìtti pasädi con i pe sòtt’ a la tävla ‘dl ostaria. L’éra un mond dezgrasiè, pién d’misérja, ‘d ponghi, pjóc’ e scarafass, cme diz un poéta nostràn. L’éra l’otzént restè indrè ch’al s’ éra catè un sécol dopa, ma al n’ éra pu ‘l sòvv. Soltant i motorén e la televisiòn in tutt’ il ca j ävon spasè via l’ost e ‘l so vén.. Molta génta bón’na ‘d carator, cuäzi sémpòr zlatäda a pàn pociè in-t-al vén j ävon fatt la fortón’na ‘d i ost. A chi temp la, Pärma l’éra speciäla: fata ‘d génta bon’na e generóza, pront’ a där ‘na màn a chi gh’äva ‘d bizòggn.

Pasand davanti a ‘n ostarìa a ‘na cèrta ora vérs sira, s’incominciäva séntir i cant di cliènt acompagnè daj mandolén e dal chitàri e vlontéra il romanzi d’opra i volävon tra nuvvli ‘d fùmm äd sigàl e sigarètti fati a màn col cartén’ni e vlontéra col tabach chinè ‘d cìcca. Anca i ràgas i conossävon i opri pu popoläri. Pärma l’éra la capitäla dal mélodram; e ‘l so logiòn l’ éra un po tròp ezigént e un po tròp convint d’ésor inténditor äd musica. J éron un po tròp gazè e un po tròp ignorant.

D’ Invèron gnäva zo dill gambi ‘d néva. Al frèdd l’éra propria frèdd bombén e ‘l nòstor Stopaj ‘l ne moläva miga. L’éra par la sträda sott’ a  la poca lùza cla foräva la fumära fissa cla ‘s tajäva col cortél e sott’ a cla poca luza la, l’andäva pjan, pjan drè ‘l mur cme i zanén…. L’éra sémpor sénsa tabàr! Äl sarcäva la sträda pu lónga p’r andär a ca e, drè a lu gh’ éra il so saptädi in-t-la néva e njént’ ätor e i fävon al so medézim gir. Il barzlètti e i discors al mur i zlävon cme j candlot gjasè in spincolòn dal navètti.

Gnan i gat i gh’fävòn pu la góba e i gh’ bofävon  adrè: l éra conossù anca da lòr cme un bón ràgas e miga cme un casadór ãd lévri da copp. E’ propria véra. L’andäva méj cuand l’andäva pés. Incò a ’n ghè pu in gìr tutt il macètti in cärna e òss: j én volädi via vùnna a la volta cme la fumära cuand tira ‘l vént. Parècc’ äd lor j àn scuasè l’ ultma baza véstì col paltò ‘d lègn, lóngh al Viäl di pjop. Dal Sórd, da Quinto, dal Nigòr Fumm e da Primòto, gh’è ‘na chiéta e un silénsi da sépólcòr. I scudlén, i cuartén col manògh e il dgami ‘d narvètt, còddga ‘d gozén e óv còt, j àn voltè pagina cme ‘n lunäri pjazintén. I fan pärta ‘dla storia e di arcord äd ch’ éra nassù parècc’ témp fa.

Pärma l’ è dvintäda ‘na citè cme tanti ältri: sèmpòr pu anonima, sénsa alma e, pasand p’r i bòrogh vèrs la Piaza, am pär äd vèddor al nostor Stopaj ciciarär a ‘n portòn sarè. Un cagnètt a gh’ ciuppa a drè spavintè da cla voza impastäda da tròp foiètti butädi zo par fogär la maledètta solitudine; cróza sénsa délisia ‘dla so esisténsa. L’ è a la Vilètta sòtt’ i pòrtogh dopa Padre Lino ‘l frè sarcòn p’r i povrètt.

Pasand davanti am pär äd séntir l’aria ‘dna cansòn dal coll disch famòz. Sarà sensätor ‘na sénsasiòn mèjja, ‘na voja d’ andär indrè in chi témp pasè a séntir e riddòr p’r il so barzlètti par notädi intréghi, fin’ che ‘l nòstor l’ äva scuasè la bàza e l’ andäva a dormir la sònn.  L’à  paghè un prézi salè bombén par dvintär al nostor Stopaj e guadagnäros un post in-t-la storia di pàrsonag’ minór äd Pärma:                                                                                              Antonio Abbati

 

Vrèmos bén, al mond  agh sèmm’ in tri : òmm, dònni e ràgas!

          (massima filosofica del nostro Stopaj

Dalla Gazzetta di Parma  29 ottobre 2015 (Parma anziani memoria)